Foreininga Portvin


Foreininga "Portvin" vart skipa i juli 2007, og er eit direkte resultat av pengemangel kombinert med overflod av kreativitet og fritid. Hovudføremålet til "Portvin" er å drikkje vin framføre portar i Bergen, gjerne dramatisere porten sitt uttrykk, og å dokumentere dette med fotografi. Andre tiltak er byvandringar til stader me ikkje heilt veit kva heiter/kvar er, samt å kjempe mot uvitug bruk og skjending av det norske språket. Me går særleg hardt ut mot slik skjending når den er å finne på offentlege stader.

søndag 9. august 2015

● Korrespondent-port og avskil med Bergen

Sommaren 2015 baud på mykje trasig vêr. På ein av dei sjeldne solskinsdagane i juli kom den eine halvdelen av Foreininga Portvin likevel til å snuble over ein nokså staseleg port, under eit besøk til Rognaldsvåg på øya Reksta utanfor Florø.

Frå Rognaldsvåg: Ein port med seglskip i blankt metall! Har du sett noko slikt?

Den same halvdelen av foreininga forlét snart Bergen for å flytte til sjølvaste hovudstaden. Difor måtte medlemmane møtast til eit bittelite port-sprell på Nygårdshøyden for nokre dagar sidan.

På Nygårdshøyden: Litt port (av type fager smijarnsport), mest oss.

I framtida lyt vi arrangere portvinsekspedisjonar både i Oslo og i ei rekkje framande land. Det blir spanande!
Lagt inn av kl.

Ingen kommentarer:

Legg inn en kommentar

Abonner på: Legg inn kommentarer (Atom)