Foreininga Portvin: ◊ Aparte: Twilight Zone i Brattlien

Foreininga Portvin

Foreininga "Portvin" vart skipa i juli 2007, og er eit direkte resultat av pengemangel kombinert med overflod av kreativitet og fritid. Hovudføremålet til "Portvin" er å drikkje vin framføre portar i Bergen, gjerne dramatisere porten sitt uttrykk, og å dokumentere dette med fotografi. Andre tiltak er byvandringar til stader me ikkje heilt veit kva heiter/kvar er, samt å kjempe mot uvitug bruk og skjending av det norske språket. Me går særleg hardt ut mot slik skjending når den er å finne på offentlege stader.

torsdag 14. februar 2008

◊ Aparte: Twilight Zone i Brattlien

Bileta der portane ikkje lenger er i fokus, det vil seie; bilete der portane oftast ikkje er med i det heile teke.

Under denne portvinsferda synte februarhimmelen seg å vera særs fager i skyminga, og vi såg vårt snitt til å prøve ut twilight-funksjonen på kameraet til Ane. Dette gav meirsmak og resulterte i nesten pinleg mange bilete av Foreininga Portvin utan portar. Men vi er jo så fine!

Ida ringjer rikstelefon. Stygg påle i bakgrunn.

"Nei, eg vil ikkje ta på meg kostnadene for ei noteringsoverføring!"

IDA - In the Twilight Zone.

Vakre Bergen, vakre Ida. Utsikt mot Danmarksplass og Minde.

Sjølv om portane er fråverande på desse bileta skal det til foreininga sitt forsvar nemnast at vinen i alle fall er representert! Nesten...

...me var nemleg litt usikre på kor langt safta me brukte (rips & solbær) var komen i gjæringsprosessen sin.

Etter alt sannsyn hadde safta opparbeidd seg ein viss prosent!

ANE - In the Twilight Zone.

Ane er ikkje limt på bakgrunnen i Photo Shop eller Paint...

...det ser berre slik ut! Skål mot himmelen!

Dette er tryggare enn det kan sjå ut som. Temmeleg edrue var me óg.

Relativt vellukka forsøk på "filmplakat-look".

Sutling bakom husvegg. Snedig ansiktsmimikk.

Eksperimentering med lang lukkartid. Ane spring i trapp.

Relativt mislukka forsøk på eit bilete med rørsle, men likevel fint!

Her derimot, er det rørsle så det held! Bra jobba, Ida!

Og til slutt: Ida i trapp! Med tidlegare ukjend funksjon på digitalkameraet.

4 kommentarer:

Anonym sa...: Det er ikkje eitt bilete som ikkje fell under kategorien "blinkskot".

Gratulerer!; 29. februar 2008 kl. 19:02
Ida/Ane sa...: takk! men det er jo kanskje noko nedslåande at me gjer det so bra - utan portar.

ida; 1. april 2008 kl. 21:43
Anonym sa...: No tykkjer eg det er på tide med oppdateringar på sida her! Såg de ingen portar - baugportar t.d. - under "Tall Ship"? Frå ihuga lesar på Nedre Flatekvål(anonym,sjølvsagt); 14. august 2008 kl. 18:57
Ida/Ane sa...: "den blåfrosne guten er no jaga vekk av den ukjende dottera til agatha christie" HAHA, me er så morosame! :D; 22. august 2008 kl. 07:34

Legg inn en kommentar